الموقع الرسمي الاستاذ العلامه فوزي الاسدي

الخميس, 2024-12-19, 10:24 AM

الرئيسية » 2011 » أغسطس » 15 » كبة الرز على الطريقة العراقية‎

---

0:11 AM كبة الرز على الطريقة العراقية‎

.................. اغسلي 3 اكواب من الرز بماي البارد و خلي عليه ماي بارد وضيفيلي ملح وخليه على النار(ممكن تزيدينعليه الماي كل ما شتوفين التمن يبس الى ان تحسين ان التمن صار لين كلش)....... خلي الى ان يبرد او ممكن تخلينه بالفريزر فد 15 دقيقه حتى تكدرين تعجينه وهو بارد وهنا تكدرين تضيفين عليه بطاطا مسلوقه( بس اني ماحبها واكول الرز كله نشويات كافي عليه ) ... وهاي طريقه خاصه تقسم العجينه الى 3 اقسام وبهاي الفتره تكونين انتي حضرتي الحشوه تكدرين تضيفين لها صنوبر مقلي لو لوز مقلي وزبيب حسب الرغبة اضيف اللون الاصفر الى قسم واللون الاحمر الى قسم و اخليه قسم ابيض اللون الاصفر عبارة الكركم واللون الاحمر معجون الطماطم سوي دوائر من العجينه احشيها وخفقي بيضه وحده قبل لا تقلي خلي ايدج بالبيض وخلي طبقه خفيفه جدا على الكبه... اذا خليتي هواي البيض ما ياخذ الا ثواني ويستوي والكبه بعدها ما مستويه بالاضافه الى ان الدهن بسرعه يتوسخ اذا خليتي بيه هواي بيض ولاتنسي بعد الزيت لازم يكون حرارته مرتفعة جدا حتى ماتفرط الكبة وهذا الشكل النهائي والف عافية --

1 2 3 4 5 مشاهده: 439 | أضاف: الاستاذ-فوزي-الاسدي | الترتيب: 0.0/0

مجموع المقالات: 0