وجهه بشوش يلوق عليه

 الاكتشاف.

بخصوص السمايلز أو الابتسامات وتاريخهم، تذكرت منه موضوع قريته قبل كم سنة.

بتاريخ 19 سبتمبر 1982م في الساعة 11:44 دقيقة صباحاً أرسل سكوت فالمان – Scott Fahlman مشاركة في المنتدى الخاص بعلوم الكمبيوتر بجامعة Carnegie Mellon University، نص الرسالة كان بالضبط كما يلي:

وبعدها بكم شهر انتشرت بالشبكات الالكترونية المستخدمة أيامها، ومع الوقت صار عليهم بعض التعديلات المشهورة اللي نشوفها اليوم وطبعاً الناس ألفوا ابتسامات زيادة بنفس الطريقة.

هالشايب الحين يشتغل عالم كمبيوتر في جامعة Carnegie Mellon University وصار عضو في التجمع الأمريكي للذكاء الصناعي – American Association for Artificial Intelligence. هذي صورة حلوة له:

هالصورة ذكرتني بالابتسامة هذي  بس مادري ليش تحسه حابس الضحكة. هذي صور ثانية عجبتني:

يمكن سكوت فالمان كان أول واحد يقترح الابتسامات بهالطريقة بغرضها الإلكتروني، بس ما كان هو الأول باكتشاف الابتسامات المكتوبة بشكل عام، أول ابتسامة مكتوبة مسجلة تاريخياً ومتأكدين منها ترجع لسنة 1881م في مجلة فكاهية أمريكية اسمها Puck، واحد اسمه أمبروز بييرس – Ambrose Bierce كتب اقتراح لاستخدام ابتسامة مكتوبة على هالطريقة /___\ ،،،، يعني شكل حلق مبتسم كاااك!

نوع ثاني من الابتسامات طلع سنة 1979 كان شكله كذا –) ويسمونه لسان في الخد – tongue-in-cheek يعني بالدول الغربية يقولون يوم واحد يبي يمنع نفسه من الضحك يدز خده بلسانه، وشكل الابتسامة يشبه اللسان والخد.

بعدين مع انتشار المنتديات في التسعينات وبعدها قاموا يستخدمون صور وجوه مليقة مثل اللي نشوفهم هالأيام بالمدونات والمواقع  بس الي الان موجودة النسخ المكتوبة وطلع منها نسخ آسيوية وغربية وكورية.

الابتسامات الآسيوية مثل:

(^_^) أو ｡◕ ‿ ◕｡ أو (^o^)

(-.-)Zzz

(-_-;),

(-_-’)

(-_-*)

(o_O)

(Z.Z)

(?_?)

(<.<)

/(^_^)\

(^_~) أو (^_-)

(;_;), (T_T) or (TT_TT) (T^T) or (Q_Q)

الابتسامات الكورية:

ㅇㅅㅇ

ㅇㅂㅇ

-ㅅ-

ㅡㅡ

ㅡ6ㅡ

‘ㅅ’

"ㅅ”

‘ㅂ’

‘ㅇ’

ㅇㅁㅇ

عاد الغرب استانسوا من الابتسامات الآسيوية وعدلوا عليهم شوي:

<(^.^)>,<(^_^<),<(o_o<),<( -’.'- )>,<(‘.’-^)

لو مو هالابتسامات كنا نستملق المحادثات بالأنترنت كلها، مرات أكلم واحد مسنجر وعبالي معصب ولا متنرفز ولا زعلان بس بعدين يوم أشوفه يقول لا ماكو شي أصلاً كان يضحك وعادي، جو الأنترنت شوي غريب صعب ينقل مزاج الناس    . حتى بالمسجات مرات تصير فيك تكتب شي عادي بس تحس إذا ما حطيت ابتسامة أو ما كتبت "لول” راح يفهمها صاحبك كأنك زعلان ولا مالك خلقه عاد تنجبر فيها، بعدين تكره نفسك تحس مليق دمك ثقيل مو عارف تستخدم الابتسامات مثل الناس.

مشكلة هالناس